Urr jaingy, Tasveer k rang'on ki tarha hain. ! - Urdu Poetry

Urdu Poetry

Urr jaingy, Tasveer k rang'on ki tarha hain
Hum wakt ki tehni pe parindo'n ki tarha hain

Tum sahil pe mehekty huay phoolo'n ki tarha ho
Hum rait pe likhay huay harf'on ki tarha hain

Tum aaj bhi aainda zamano'n ki jhalak ho
Hum aaj b guzray huay lamho'n ki tarha hain

Tanhai k yakh lamho'n mein aaingy tere kaam
Ash'aar mery oon ki shaal'on ki tarha hain

Ik umer tarasty hain kisi aik khushi ko
Hum log bhi banjar si zameen'on ki tarha hain

Duniya k liye kuch bhi sahi teray liye hum
Ae dost! Sada maa'n ki duao'n ki tarha hain

Tareekh ki nazro'n mein hum aik umer se 'Mohsin'
School se bhagay huay bacho'n ki tarha hain. . !

Nida-e-Ghaib - Urdu Poetry By Faiz Ahmed Faiz

Urdu Poetry

Har ik ool-il-amar ko sadaa do. .

K apni fard-e-amal sambhalay. .

Uthay ga jab jama-e-sir farosha'n. .

Paraingy daar-o-rasann k laalay. .

Koi na ho ga k jo bacha lay. .

Jaza Saza sab yahi'n pe ho gi. .

Yahi'n azab-o-sawab ho ga. .

Yahi'n se uthay ga shor-e-mehshar. .

Yahi'n pe roz-e-hisaab ho ga. . . !

Faiz Ahmed Faiz Poetry

Baat Bus Se Nikal Chuki Hai - Urdu Ghazal

Urdu Ghazal

Baat bus se nikal chuki hai
Dil ki haalat sambhal chuki hai

Ab junoon had se barh chala hai
Ab tabi'at behel chuki hai

Ashk khoon'naab ho chukay hain
Ghum ki rangat badal chuki hai

Ya yunhi bujh rahi hain sham'en
Ya shab-e-hijr tal chuki hai

Laakh paighaam ho gaye hain
Jab saba aik pal chali hai

Jao ab so raho sitaro
Dard ki raat dhal chuki hai.

Poet : Faiz Ahmed Faiz

Bisaat-e-Raqs - Urdu Ghazal by Faiz Ahmed Faiz

Urdu Ghazal

Bisaat-e-raqs pe sad sharq-o-gharab se sar-e-shaam
Damak raha hai teri dosti ka maah-e-tamaam

Chalak rahi hai tery husn-e-meherba'n ki sharaab
Bhara hua hai laba'lab har ik nigah ne jaam

galay mein tang tery harf-e-lutf ki baanh'ain
Pas-e-khyaal kahi'n sa'at-e-safar ka payaam

Abhi se yaad mein dhalny lagi hai sohbat-e-shab
Har aik roo-e-haseen ho chala hai baish haseen

Milay kuch aisay, judai yun huay k 'Faiz' ab k
Jo dil pe naqsh banay ga wo gul hai, Daagh nahi. . . !

Poet: Faiz Ahmed Faiz

Shaakh Per Khoon-e-Gul -Urdu Ghazal

Urdu Ghazal

Shaakh per khoon-e-gul rawa'n hai wohi
Shokhi-e-rung-e-gulista'n hai wohi

Sir wohi hai tou aastaa'n hai wohi
Jaan wohi hai to jan-e-jaa'n hai wohi

Aaj ki shab, wisaal ki shab hai
Dil se her roz daastan hai wohi

Chaand taaray idhr nahi aaty
Warna zindan  mein aasman hai wohi. . !

Poet : Faiz Ahmed Faiz

Anjaam Bhi Dekho Gay? - Urdu Poetry

Urdu Poetry

Pindaar k khoo-gar ko
Nakaam bhi dekho gay?
Aaghaz se waakif ho
Anjaam bhi dekho gay ?

Rangeeni-e-duniya se
Mayus sa ho jana
Dukhta hua dil le kar
Tanhai mein kho jana

Tarsi hui nazro'n ko
hasrat se jhuka lena
Faryaad k tukro'n ko
Aanho'n mein chupa lena

Raato'n ki khamoshi mein
Chup kr kbhi ro lena
Majboor jawani k
Malboos ko dho lena

Jazbaat ki wus'at ko
Sajdo'n se basa lena
Bhooli hui yaado'n ko
Seenay se laga lena!

Urdu Ghazal
Poet : Faiz Ahmed Faiz

Tu Gar Meri Bhi Ho Jaye - Urdu Ghazal

 Urdu Ghazal

Tu gar meri bhi ho jaye
Duniya k ghum yunhi rahaingy
Paap k phandey, zulm k bandhan
Apny kahay se katt na sakaingy

Ghum her haalat mein mohlik hai
Apna ho ya kisi aur ka
Rona dhona, gee ko jalana
Yun bhi hamara, yun bhi hamara

Kyun na jahan ka ghum apnaa lein?
Baad mein sab tadbeer'ain soch'ain
Baad mein sukh k sapney dekhain
Sapno'n ki tadbeer'ain soch'ain. !

Poet : Faiz Ahmed Faiz

Be-Khayali Mein Yunhi Bus - Urdu Ghazal

Urdu Ghazal

Be-khayali mein yunhi bus ik irada kar liya
Apny dil k shauq ko hadd se ziada kar liya

Jantay thy dono'n hum is ko nibha sakty nahi
Us ne waada kar liye, meine bhi waada kar liya

Ghair se nafrat jo paali kharch khud per ho gai
Jitny hum thy hum ne khud ko us se aadha kar liya

Aik aisa shakhs banta ja raha hun mein 'Munir'
Jis ne khud per band husn-o-baada kar liya

Poet : "Munir Niazi"

Nisha'n Koi Na Tha! - Urdu Ghazal

Urdu Ghazal

Naam Be-had Thy magar unka nisha'n koi na tha
Basti'an hi basti'an theen, paasba'n koi na tha

Khurram-o-Shadab chechray saabit-o-sayyar dil
Ek zamee'n aisi thi jis ka aasman koi na tha

Kia balaa kisham thi subho'n, shab'on k darmian
Aur mein in manzil'on per tha jahan koi na tha

Har maka'n ik raaz tha apny makeen'on k sabab
Rishta mery aur jin k darmia'n koi na tha

Tha wahan mojood koi baam-o-dar k us taraf
Par nagar mein is sadaa ka raazda'n koi na tha

Poet : Munir Niazi

Khaak-e-maida'n ki hiddat'on mein safar - Urdu Ghazal

Urdu Ghazal

Khaak-e-maida'n ki hiddat'on mein safar
Jaisay hairat ki wusat'on mein safar

Khoob lagta hai us k sath mujhy
Wasl ki shab ki khuahish'on mein safar

Us nagar mein qayaam aisa hai
Jaisay be-ant paani'on mein safar

Dair tak sair sheher-e-khoob'an ki
Door tak dil k mausam'on mein safar

Baithay baithay 'Munir' thak se gaye
Kar k dekhaingy in dino'n mein safar!

Poet : Munir Niazi

Aik nagar k naqsh bhula doon - Urdu Ghazal

Urdu Ghazal

Aik nagar k naqsh bhula doon, aik nagar eejad karu'n
Aik taraf khamoshi kar doon aik taraf aabad karu'n

Manzil-e-shab tay karni hai apny akelay dam se hi
Kis k liye is jaga pe ruk kar din apna barbaad karu'n

Boht qadeem ka naam hai koi abru hawa k toofan mein
Naam jo mein ab bhool chuka hun kaisy us ko yaad karu'n

Ja k sunu'n Aasar-e-chaman mein saeen saeen shakh'on ki
Khaali Mehel k burj'on se deedar-e-baraq-o-baad karu'n

Sher 'Munir' Likh'un mein uth kar sehen-e-sehr k rang'on mein
Ya phir kaam ye nazm-e-jahan ka sham dhalay k baad karu'n!

Poet : Munir Niazi

Raat Itni Ja Chuki Hai Aur Sona Hai Abhi - Urdu Ghazal

Urdu Ghazal

Raat itni jaa chuki hai aur sona haia abhi
Is nagar mein ik khushi ka khuab bona hai abhi

Kyun diya dil us but kam sin ko aisay waqt mein
Dil si cheiz jis k liye bus ik khilona hai abhi

Aisi yaad'on mein ghiray hain jin se kuch haasil nahi
Aur kitna waqt in yaad'on mein khona hai abhi

Jo hua, hona hi tha, so ho gya hai dosto!
Daagh us ehd-e-sitam ka dil se dhona hai abhi

Hum ne khiltay dekhna hai phir khayaban-e-bahaar
Sheher k itraaf ki mitti mein sona hai abhi.

Poet : Munir Niazi

Deti nahi Ama'an Jo Zameen - Urdu Ghazal

Urdu Ghazal


Deti nahi ama'an jo zameen, aasman tou hai
Kehnay ko apny dil se koi daasta'n tou hai

Youn to hai rang zard magar hont laal hain
Sehra ki wusat'on mein kahin gulistaan tou hai

Ek cheel aik mamti pe bethi hai dhoop mein
Galiyan ujarr gae hain magar paasba'n tou hai

Awaz de k dekh lo shayad wo mil hi jaye
Warna ye umr bhar ka safar raa-e-gaa'n tou hai

Mujh se boht qareeb hai to phir bhi ae 'munir'
Parda sa koi mery tery darmiya'n tou hai.


Poet : Munir Niazi

Kis Anokhay Dasht Mein - Urdu Ghazal

Urdu Ghazal


Kis anokhay dasht mein ho ae ghaz-alan-khatan
Yaad ata hai tumhein bhi ab kabhi apna watan?

Khoon rulati hai mujhy ik ajnabi chehray ki yaad
Raat din rehta hai aankh'on mein wohi laal-e-yaman

Atar mein doobi hui hai koo-e-jana'n ki hawa
Aah! us ka pair'han aur us ka sandal sa badan

Raat ab dhalnay lagi hai bastiyan khamosh hain
Tu mujhy sonay nahi deti mery jee ki jalan


Poet : Munir Niazi