Jis Gham Se Bandhay Thy Dono. . !

Jis ghum se bandhay they dono, wo gham nahi rahy hain.
Tum tum nahi rahay ho, hum hum nahi rahay hain. . !

Rooh Mein Koi Ghum Hai Posheeda

Rooh Mein Koi Ghum Hai Posheeda!
Zindagi Besabab Udaas Nahi!

Kisi K GHam Ka ELaaj

Kisi K Zakham Ka Marham,,, Kisi K GHam Ka ELaaj,,,

Logon Ne Baant Rakha Hai Mujhe Dawaa Ki Tarha...

Agar Wo Pooch Lain Hum Se, Tumhain Kis Baat Ka Ghum Hai

Sad girl Picture| Sad Pictures| Sad Man

Agar Wo Pooch Lain Hum Se, Tumhain Kis Baat Ka Ghum Hai,
Tou Phir Kis Baat Ka Ghum Hai Agar Wo pooch Lain Hum Say..!

Milay Jahan Se Kisi Ko Kantay, Kisi K Hisay Gulaab Thehray

dua picture and dua shayari

Milay Jahan Se Kisi Ko Kantay, Kisi K Hisay Gulaab Thehray
Jissay Wo Chahay Nawazta Hai, Ye Mery Rabb K Hisaab Thehray

Bara hi Raheem-o-Kareem Hai Wo , Jissay Bhi De De ye Uski Marzi
Kisi K Hissay Sawaab Likh De, Kisi K Hissay Azab Thehray

Ye Apni Taqdeer Se Mila Hai Kisi Ko Dariya Kisi Ko Sehra
Koi Tarasta Hai Boond Bhar Ko, Kisi K Hissay Sailaab Thehray

Koi To Din Main Bhi Sapnay Dekhy Kisi Se Neendain Bhi Door Bhagain
Kisi K Hissay Main Rat-Jagay Tou Kisi K Hissay Main Khuwaab Thehray..!

Suno! Qismat Say Larney Ki Kabhi Koshish Nahin Kartey

sad man sitting

Suno Qismat Say Larney Ki
Kabhi Koshish Nahin Kartey

Muqadar Jab Mukhalif Ho
Duaaein Be-Asar Jaaein

Sabhi Manzar Bikhar Jaaein
Tu Aisey Mein Baghawat Ki
Kabhi Koshish Nahin Kartey

Kisi Ke Saath Chalney Ki
Kisi Ke Dil Mein Basney Ki

Kabhi Khwahish Nahin Kartey
Kisi Eik Shakhs Ki Khaatir

Sabhi Say Door Ho Jaana
Kahan Ki Ye Muhabbat Hai?

Muhabbat Ye Nahin Hoti
Muhabbat Dil Mein Hoti Hai

Muhabbat Aks Hai Rab Ka
Kabhi Ye Mar Nahin Sakti

Humeisha Saath Rehti Hai
Humeisha Saath Chalti Hai

Miley Jo Humsafar Tum Ko
Ussi Ke Saath Chalna Tum

Ussey Dharrkan Bana Lena
Ussey Dil Mein Basa Lena

Magar Qismat Say Larney Ki
Lakeeron Say Ulajhney Ki

Payrr Ko Deemak Lagg Jaye Ya Aadam Zaat Ko Ghum

Sad Man sitting

Payrr Ko Deemak Lagg Jaye Ya Aadam Zaat Ko Ghum
Dono Hi Ko 'Amjad' Hum Ne Bachtay Dekha Kam..!

Hum Ko Matloob Hain kuch Faisly Jaldi

Hum Ko Matloob Hain kuch Faisly Jaldi
Kurrah-e-Arz Ko Zara Taiz ghumaya Jaye..!

Usko Namoos Bhi, Izzat Bhi, Pazeraai Bhi

Usko Namoos Bhi, Izzat Bhi, Pazeraai Bhi
Mujh Ko Ronay Ko Mayyasar Nahi Tanhai Bhi

Apny Hi Haal Pe Hansna, Kabhi Hans K Rona
Main Bayak Wakt, Tamasha bhi, Tamashaai bhi..!

Tumharay Dum Se Hum Zinda, Hamary Dum Se Ghum Zinda

Tumharay Dum Se Hum Zinda, Hamary Dum Se Ghum Zinda
Kisi K Tum Maseeha Ho, Kisi K Hum Maseeha Hain..!

Aata Ho Jisay Rasm-e-Mohabbat Ka Wazeefa

Aata Ho Jisay Rasm-e-Mohabbat Ka Wazeefa..
Chalta Nahi Os Per Gham-e-Halaat Ka Jaadu…
gham muhabbat shayari

Ishq Hara Hai To- Sad shayari

Ishq Hara Hai To Dil Thaam K Baithay Kyun Ho?
Tum To Har Baat PE Kehtay Thy Koi Baat Nahi...!

Kese Guzarti Hai Meri Har Ek Sham-sad shayari

sad man sitting

Kese Guzarti Hai Meri Har Ek Sham Tere begair,
Agar Tu Dekh Le To Kabhe Tanha Na Chore Mujhe...!!
sad urdu shayari

Muhabbato'n Ka Pata Chalega- Sad Shayari

Wafa Ka Poda Shajar Hua To Muhabbato'n Ka Pata Chalega,
Naseeb Uska Samar hua To Muhabbato'n Ka Pata Chalega,
Sad Shayari
Abhi Tou Phirtay Ho Dosto'n Mein, Aziz Koi Juda Nahi Hai
Koi Idhr se Udhar hua Tou Muhabbato'n Ka Pata Chalega

 Wo Jiski Khaatir bana Rahay ho Zamaay bhar Ko tum Dushman Apna
Wohi Na Apna Agar hua Tou Muhabbato'n Ka Pata Chalega..!

Ye KhushNaseebi Hai Sheher Bhar Main Tmhara Dushman Koi Nahi Hai
Kbhi Kisi Ka Jo Dar Hua To Muhabbato'n Ka Pata Chalega

Ye Kia Bicharna K Shaam Hotay Hi Apny piyaro'n Mein Laut Jana
Kabhi Jo Lamba Safar Hua To Muhabbato'n Ka Pata Chalega..!

Yun akeley mein usey ehad-e-wafa yaad aaye- Heart Touching Poetry (Sad)

Yun akeley mein usey ehad-e-wafa yaad aaye
Jaise banday ko museebat mein KHUDA yaad aaye

Jaise bahtkay hueye punchi ko nashaiman apna
Jaise apnon ko bicherney pe dua yaad aaye
Sad Urdu hindi Shayari
Jaise dhalti hui shaamon ko sawaira koi
Jaise pinjray mein parindey ko fiza yaad aaye

Jaise boorhay ko khyalaat mein bachpan apna
Jaise bachay ko shararat pe saza yaad aaye

Jaise ujrhi hui basti ko zamana apna
Jaise toofan k thehrney pe diya yaad aaye..!!

Aadawton ka jawab likho na chahton ka hisaab likho-Sad Shayari

Aadawton ka jawab likho na chahton ka hisaab likho
Ju dukh hain unko gulaab likho, ju sukh hain un ko saraab likho

jo aaj dushman hain kal the saathi, jo aaj saathi woh kall the dushman
Zamana badla hay tum bhi badlo, munafqat ki kitab likho

Mere Khayalon k sare paiker,woh chand chahray woh phool lamhe
K jin ki tabeerain kho gayi hain,ab un hawalon ko khwab likho

Woh Guzray lamhe,woh behte aanso,woh jalte pehlo
Lahoo se zakhm e jigar k,meri wafa ka khooni baab likho

Rafaqton mein na sukoon mile ga,judaiyoun mein bhi dukh mile ga
Na paas aao,na door jaao,na roz o shab ka nisaab likho

Wafa,muhabbat,ana pasandi o beniaazi ka zoum
Ju mere dil pe guzer rahi hain,qayamton ka azaab likho

Main Qabil-e-Nafrat Hon Toh Chorh De- Sad shayari

Main Qabil-e-Nafrat Hon Toh Chorh De Mujh Ko-
Tu Mujh Se Yun Dikhaway Ki Muhabbat Na Kiya KAr-
Sad urdu hindi shayari

Hum ne har gham ko nafrat se lagai thokar

Hum ne har gham ko nafrat se lagai thokar ..
Ek tera gham hai jo seene se laga rakha hai,,,
Gham Shayari

Khushiyon Ka Waqt Bhi Kabhi Aa Hi Jaye Ga- Sad Shayari

Khushiyon Ka Waqt Bhi Kabhi Aa Hi Jaye Ga 'Wasi'...
Gham Bhi to Mill Rahe Hain Tamanna Kiye Baghair....

Us Ne Jab Jab Bhi Mujhe Dil Se Pukara Mohsin - Mohsin Naqvi

gham gam shayari

Us ne jab jab bhi mujhe dil se pukara 'Mohsin'
Main ne tab tab ye bataya ke tumhara 'Mohsin'

Log sadiyon ki khataon pe bhi khush baste hain
Hum ko lamhon ki wafaon ne ujara 'Mohsin'
sad urdu Shayari
Jab aa gaya yaqeen k ab woh nahi aaye ga
Gham aur aanso ne diya Dil ko sahara 'Mohsin'

Woh tha jab pas to jeney ko bhi dil karta tha
Ab to pal bhar bhi nahi hota guzara 'Mohsin'
dukh dard shayari
Us ko pana to muqadar ki lakeron mein nahi
Us ka khona bhi karien kesey gavara 'Mohsin'