Shehar k Dukandaro - Nusrat Fateh Ali Khan - Lyrics

Shehar Ke Dukandaro! Karobaar-E-Ulfat Mein Sood Kia Zian Kia Hai, Tum Na Jaan Pao Gay

Dil Ke Daam Kitne Hein, Khuwab Kitne Mehnge Hein Aur Naqd-E-Jaan Kia Hai Tum Na Jaan Pao Gay

Sheher Ke Dukandaro!, Sheher Ke Dukandaro!



Koi Kaisay Milta Hai, Phool Kaisay Khilta Hai, Aankh Kaisay Jhukti Hai, Saans Kaisay Rukti Hai

Kaisay Reh Nikalti Hai, Kaisay Baat Chalti Hai, Shouq Ki Zubaa'n Kya Hai, Tum Na Jaan Pao Gay

Sheher Ke Dukandaro! Sheher Ke Dukandaro!



Wasl Ka Sukoon Kya Hai, Hijr Ka Junoon Kya Hai, Husn Ka Fusoon Kya Hai, Ishq Ke Daroon Kya Hai

Tum Mareez-E-Danaai, Maslihat Ke Shaydai, Raah-E-Gumrahan Kya Hai, Tum Na Jaan Pao Gay

Sheher Ke Dukandaro! Sheher Ke Dukandaro!



Zakhm Kaisay Phaltay Hein, Daagh Kaisay Jaltay Hein, Dard Kaisay Hota Hai, Koi Kaisay Rota Hai

Ashq Kia Hai Nalay Kia Dasht Kia Hai Chalay Kia Aah Kia Fughaan Kya Hai, Tum Na Jaan Pao Gay

Sheher Ke Dukandaro! Sheher Ke Dukandaro!



Namuraad Dil Kaisay Subah Shaam Kartay Hein, Kaisay Zinda Rehtay Hein Aur Kaisay Martay Hein

Tum Ko Kab Nazar Aayi Ghamzadoon Ki Tanhai, Zeest Be-Umaan Kia Hai, Tum Na Jaan Pao Gay

Sheher Ke Dukandaron, Sheher Ke Dukandaron



Janta Hoon Mein Tum Ko, Zouq-E-Shaiyri Bhi Hai, Shaksiyat Sajanay Mein Ik Yeh Mahiri Bhi Hai

Phir Bhi Harf Chuntay Ho, Sirf Lafz Suntay Ho, In Ke Darmiyaan Kya Hai, Tum Na Jaan Pao Gay

Sheher Ke Dukandaron, Sheher Ke Dukandaron

Nahi Nigah Mein Manzil Tou - Faiz Ahmed Faiz

Nahi Nigah Mein Manzil Tou Justuju Hi
Nahi Wisaal Mayassar To Aarzu Hi Sahi

Na Tann Mein Khoon Faraham, Na Ask Aankho'n Mein
Namaz-e-Shauq To Wajib Hai, Be-Wuzu Hi Sahi

Kisi Tarha To Jamay Bazm Mei-Kaday Walo
Nahi Jo Baada-o-Saaghar To Haa-o-Hu Hi Sahi

Gar Intezaar kathin Hai Tou Jab Talak Ae Dil
Kisi K Wada-e-Farda Ki Guftugu Hi Sahi

Dayaar-e-Ghair Mein Mehram Agar Nahi Koi
Tou "Faiz" Zikr-e-Watan Apny Robaroo Hi Sahi. . .!

Poet : Faiz Ahmed Faiz

Aik Pal Bhi Jahan Kaatna Muhaal - Sad Urdu Poetry

Aik pal bhi jahan kaatna mahaal tha, Mein ne wahan aik umer guzari hai
Kab koi shauq dastaras mein hua?? kab koi baat ikhtiyari hai??

ایک پل بھی جہاں کاٹنا محال، میں نے وہاں ایک عمر گزاری ہے
کب کوئی شوق دسترس میں ہوا؟ کب کوئی بات اختیاری ہے؟

Main Khood Ye Chahta Hoon K Halaat Hon Kharaab!

Mein khud ye chahta hoon k halaat hon kharaab
Mery khilaaf zehr ugalta phiray koi. . !

Ghum Hai Ya Khushi Hai Tu - Nasir Kazmi

Ghum hai ya khushi hai tu, Meri zindagi hai tu
Aafato'n k daur mein, Chain ki gharri hai tu
Meri raat ka charagh, Meri neend bhi hai tu
Mein khiza'n ki shaam hoon, Rut bahaar ki hai tu
Dosto'n k darmiyan, Wajha-e-Dosti hai tu
Meri sari umr mein, Aik hi kami hai tu
Mein to wo nahi raha, Haan magar wohi hai tu
'Nasir' is dayaar mein, kitna ajnabi hai tu. . !

Poet : 'Nasir Kazmi'

Taken from 'Jaras'

Ki Wafa Hum Se To - Asad Ullah Khan Ghalib

Ki wafa hum se to ghair us ko jafa kehty hain
Hoti aai hai k acho'n ko bura kehty hain. . .!

Ishq Hai. . ? - Ishq Shayari- Sufi Shayari

Mera makka dasht-e-hijrat, mera mash'had ishq hai
Mein mureed-e-qais hoon aur meri sarhad ishq hai

Koi hai jo sabar ki aayaat mujh per dam kary?
Mein wo sookha pairr hoon jis mein muqeed ishq hai

Surkh chaadar ly k betha hai, ziyarat kijiye
Ye koi haakim nahi, balaye masnad ishq hai

Mein yahan per hijr ki tableegh karny aya hoon
Duniya walo! Mera mazhab, Mera maqsad ishq hai

Dasht mein ye jo parinday hain sabhi majzoob hain
Aur jo khamosh hai ik boorha bargad- ishq hai. .!



میرا مکّہ دشت ہجرت ،،میرا مشہد عشق ھے 
میں مرید قیس ھوں ،، اور میری سرحد عشق ھے 

کوئی ھے جو صبر کی آ یا ت مجھ پر دم کرے 
میں وہ سوکھا پیڑھ ھوں جس میں مقید عشق ھے 

سرخ چادر لے کے بیٹھا ھے ،، زیارت کیجیے 
یہ کوئی حاکم نہیں ،، بالاے مسند عشق ھے 

میں یہاں پر ھجر کی تبلیغ کرنے آ یا ھوں 
دنیا والو !! میرا مذھب ،، میرا مقصد عشق ھے

دشت میں یہ جو پرندے ھیں ،، سبھی مجذوب ھیں
اور جو خاموش ھے اک بو ڑھا برگد ،، عشق ھے

Kahan Hai Ab Tumhari Wo Muhabbat?

Wohi darpaish hai phir zindagi khuwabo'n khayalo'n ki
Kahan hai ab tumhari wo muhabbat itny saalo'n ki?

Agar mery muqaddar mein andhera hi andhera tha
Kahani kyun sunai thi mujhy tum ne ujalo'n ki

Bara hai farq dono mein, magar dilchasp hain dono
Teri duniya jawabo'n ki, meri duniya sawalo'n ki

Tumhain jab se mein likhta hoon, tumhain jab se mein parhta hoon
Zarurat hi nahi parti kitabo'n k hawalo'n ki

Talluq jorrna aur torrna tum se koi seekhy,
Kahan se aa gai tum ko mahaarat aisi chalo'n ki

Shugufta dil ko rakha hai faqat is wasty 'Mohsin'
Zarurat phir na parr jaye tumhain meri misaalo'n ki. . !

Tu Na Milta To. . !

Heart Touching Poetry Pics

Aashna dard se hona tha kisi taur humain, ,
Tu na milta to kisi aur se bichry hoty, , !

Ab Teri Wazahat Mein Sadaqat Nahin Rahi !

Ab teri wazahat mein sadaqat nahi rahi. .
Ab apni muhabbat ki safai na diya kar. . !

Wohi Manzilain Wohi Rasty. . !

Heart Touching Poetry

Wohi manzilain, wohi rastay, wohi kaarwa'n, wohi faaslay. . !
Magar apny apny maqaam per, Kabhi tum nahin kabhi hum nahi. . !

Jissy khud se hi nahi fursatain. . !

Jissy khud se hi nahi fursatain, Jissy khayal apny kamal ka. . !
Ussy kia khabar mery shoq ki, Ussy kia pata mery haal ka. . !

Kehtay Hain Kuch Log Tujhy Maseeha Magar Yahan. .

Kehty hain kuch log tujhy maseeha magr yahan. .
Aik shakhs mar gaya tujhy dekhny k baad. . !

Best of Ahmed Faraz- Juz Tere Koi Bhi Din Raat Na Janay Mere

Juz Tere Koi Bhi Din Raat Na Janay Mere
Tu Kahan Hai Magr, Ae Dost Puranay Mere ?

Tu Bhi Khushbu Hai Magar Tera Tajassus Bekaar
Barq-e-Awaara Ki Manid Thikhane Mere

Shama Ki Lau Thi K Wo Tha Magr Hijr Ki Raat
Dair Tak Rota Raha Koi Sirhaane Mere

Khalq Ki Bekhabri Hai Ke Meri Rusvaai
Loog Mujh Ko Sunate Hain Fasaane Mere

Lutt Ke Bhi Khush Hun Ashkon Se Bhara Hai Daman
Dekh Ghaarat'Gari-e-Dil Ye Bhi Khazanay Mere

Aaj Ek Aur Baras Beet Gaya Os Ke Bagair
Jis Ke Hote Hue Hote Thay Zamane Mere

Kash TU Bhi Meri Aavaaz Sunta Ho
Phir Pukara Hai Tujhe Dil Ki Sadaa Ne Mere

Kash TU Bhi Kabhi Ajaye Masihai Ko
Loog Aate Hain Bohat Dil Ko Dukhane Mere

Kaash Auron Ki Tarah Main Bhi Keh Sakta
Baat Sun Li Hai Meri Aaj Khuda Ne Mere

Tu Hai Kis Haal Main Ay Zud Faraamosh Mere
Mujh Ko Tou Chheen Liya Ehd-e-Wafa Ne Mere

Charagar Tou Bohat Hain Magar Ay Jaan-e-“Faraz”
Juz Tere Aur Koi Gham Na Jane Mere. . .!

Humain dariyaft karny se, Humain Taskheer karny tak

Humain dariyaft karny se, Humain Taskheer karny tak

Boht hain marhalay baaqi, Hamain zanjeer karny tak

Hamary hijr k qissay, Sameto gay to likho gay

Hazaro'n baar socho gay, Humain tehreer karny tak. . !

ﮨﻤﯿﮟ ﺩﺭﯾﺎﻓﺖ ﮐﺮﻧﮯ ﺳﮯ ، ﮨﻤﯿﮟ ﺗﺴﺨﯿﺮ ﮐﺮﻧﮯ ﺗﮏ
ﺑﮩﺖ ﮨﯿﮟ ﻣﺮﺣﻠﮯ ﺑﺎﻗﯽ ، ﮨﻤﯿﮟ ﺯﻧﺠﯿﺮ ﮐﺮﻧﮯ ﺗﮏ
ﮨﻤﺎﺭﮮ ﮨﺠﺮ ﮐﮯ ﻗﺼّﮯ ، ﺳﻤﯿﭩﻮ ﮔﮯ ﺗﻮ ﻟﮑﮭﻮ ﮔﮯ
ﮨﺰﺍﺭﻭﮞ ﺑﺎﺭ ﺳﻮﭼﻮ ﮔﮯ ، ﮨﻤﯿﮟ ﺗﺤﺮﯾﺮ ﮐﺮﻧﮯ ﺗﮏ......!!

Mil Jaingy Boht Tujhy

Mil jaingy boht se tujhy maslehat pasand
Mujh se na sir khapa k boht sir phira hoon mein.

Shaam dhaltay hi kisi gosha-e-veerani mein

Saaz-o-awaaz, khad-o-khaal mein aa jatay hain
Saans leta hoon tou sur taal mein aa jaty hain

Jung aur ishq mein haaray huay logon ki tarha
Hum ghaneemat k kisi maal mein aa jaty hain

Zindagi khuwab hai aur khuwab ki qeemat leny
Jin ko aana ho har haal mein aa jatay hain

Tu bhi saada hai kabhi chaal badalta hi nahi
Hum bhi danista teri chaal mein aa jatay hain

Shaam dhaltay hi kisi gosha-e-veerani mein
Hum parindo'n ki tarha jaal mein aa jaty hain

Main Agr Toot Bhi Jaun To Phir Aaina Hoon. . !

Mein agar toot bhi jaun tou ohir aaina hoon
Tum mery baad bhi har roz sanwarty rehna. . !

Jo Dil per zakhm aa jaye. . !

Rafoo-gar Daity aaye hain tasalli umer bhar ki lekin
Jo dil pe zakhm aa jaye, Nahi hota rafoo barso'n . . !

Sheher ki dhoop se poochain kabhi gao'n walay - 'Mohsin Naqvi'

Sheher ki dhoop se poochain kabhi gao'n walay
Kia huay log wo zulfo'n ki ghatao'n walay

Ab k basti nazar aati nahi ujri galiya'n
Aao dhoondain kahin darwaish duao'n walay

Hum ne zarro'n se tarashay teri khatir suraj
Ab zamee'n per bhi uter zard khalao'n walay

Kia charagha'n tha muhabbat ka k bujhta hi na tha
Kaisy mosam thy wo pur shor hawao'n walay

Tu kahan tha mery khaliq k mery kaam aata
Mujh pe hansty rahy pathar k khudao'n walay

Hont see kar bhi kahan baat bani hai 'Mohsin'
Khamoshi k sabhi taewar hain sadao'n walay. . !

شہر کی دھوپ سے پوچھیں کبھی گاؤں والے
کیا ہوئے لوگ وہ زلفوں کی گھٹاؤں والے

اب کے بستی نظر آتی نہیں اُجڑی گلیاں
آؤ ڈھونڈیں کہیں درویش دعاؤں والے

سنگزاروں میں مرے ساتھ چلے آئے تھے
کتنے سادہ تھے وہ بلّور سے پاؤں والے

ہم نے ذرّوں سے تراشے تری خاطر سورج
اب زمیں پر بھی اتر زرد خلاؤں والے

کیا چراغاں تھا محبت کا کہ بجھتا ہی نہ تھا
کیسے موسم تھے وہ پُر شور ہواؤں والے

تُو کہاں تھا مرے خالق کہ مرے کام آتا
مجھ پہ ہنستے رہے پتھر کے خداؤں والے

ہونٹ سی کر بھی کہاں بات بنی ہے محسن
خامشی کے سبھی تیور ہیں صداؤں والے