Kabhi Aankho'n Ki Ibadat Gah Mein Bethy

Sajda Wallpaper

Kabhi Aankho'n Ki Ibadat Gah Mein Bethy,
Puranay Taaqcho'n Mein Gul,
Charagho'n Ko Nai Lou Se Rafu kar k,
Koi GumGushta Sipara Parhun,
Shayad!
Nafi Asbaat Khul Jaye,
Qadr Ki Raat Khul Jaye,
Kabhi Honton K Mehrabo'n Pe Likhi Ayatain,
Mein Rooh Ki Masjid Mein Dohraun,
Hisaar-e-Kainaat-e-Jism Se Bahir Nikal Jaun!
Kabhi Hairat Zada Ashko'n K Aab-e-Zam Zam Se Wuzu Kar k,
Kisi At'har Jabeen K Sang-e-Aswad K Bosy lun!
Kabhi Zaat Ki Ghaar-e-Hira Mein Beth Kar Sajdy Karun!
Shayad!
Isi Soorat Mujh Per,
Muhabbat Ki Wahi Utrey!

Teri Rahmato'n Pe Hai Munhasir, Mery Har Amal Ki Qabooliyat

Islamic Poetry

Teri Rahmato'n Pe Hai Munhasir mery Har Amal Ki Qabooliyat
Na Mujhy Saleeqa-e-Bandagi, Na Mujhy Shaoor-e-Nimaz Hai.

Islamic poetry-Hamd

Tera banda teri tauseef-o-sana karta hai,
Mera har Sans tera shukar adaa krta hai,

Tery agay meri jhukti hui paishani se,
Meri har subho ka aghaaz hua karta hai,

Rizq pohnchta hai pather mein chupay keeray ko,
Tu hi sookhi hui shakho'n ko hara karta hai,

Geet gati hain baharai'n teri takhleeq ki,
Seena-e-sang se jab phool khila karta hai,

Bara nadaan hai tjhy door samajhny wala,
Tu Rag-e-jan se bhi nazdeek hua karta hai.!