 |
| Sajda Wallpaper |
Kabhi Aankho'n Ki Ibadat Gah Mein Bethy,
Puranay Taaqcho'n Mein Gul,
Charagho'n Ko Nai Lou Se Rafu kar k,
Koi GumGushta Sipara Parhun,
Shayad!
Nafi Asbaat Khul Jaye,
Qadr Ki Raat Khul Jaye,
Kabhi Honton K Mehrabo'n Pe Likhi Ayatain,
Mein Rooh Ki Masjid Mein Dohraun,
Hisaar-e-Kainaat-e-Jism Se Bahir Nikal Jaun!
Kabhi Hairat Zada Ashko'n K Aab-e-Zam Zam Se Wuzu Kar k,
Kisi At'har Jabeen K Sang-e-Aswad K Bosy lun!
Kabhi Zaat Ki Ghaar-e-Hira Mein Beth Kar Sajdy Karun!
Shayad!
Isi Soorat Mujh Per,
Muhabbat Ki Wahi Utrey!
