Nahi Nigah Mein Manzil Tou - Faiz Ahmed Faiz

Nahi Nigah Mein Manzil Tou Justuju Hi
Nahi Wisaal Mayassar To Aarzu Hi Sahi

Na Tann Mein Khoon Faraham, Na Ask Aankho'n Mein
Namaz-e-Shauq To Wajib Hai, Be-Wuzu Hi Sahi

Kisi Tarha To Jamay Bazm Mei-Kaday Walo
Nahi Jo Baada-o-Saaghar To Haa-o-Hu Hi Sahi

Gar Intezaar kathin Hai Tou Jab Talak Ae Dil
Kisi K Wada-e-Farda Ki Guftugu Hi Sahi

Dayaar-e-Ghair Mein Mehram Agar Nahi Koi
Tou "Faiz" Zikr-e-Watan Apny Robaroo Hi Sahi. . .!

Poet : Faiz Ahmed Faiz

Kab Tak Dil Ki Khair Mana'en? - Urdu Poetry By Faiz Ahmed Faiz

Faiz Ahmed Faiz Poetry

Kab tak dil ki khair mana'en, Kab tak rah dikhlao gay?
Kab tak chain ki mohlat do gay, Kab tak yaad na aao gay?

Beeta deed umeed ka mosam, Khaak urrti hai aankho'n mein
Kab bhejo gay dard ka baadal, Kab barkha barsao gay?

Ehd-e-wafa ya tark-e-muhabbat, Jo chaho so aap karo
Apny bus ki baat hi kia hai, hum se kia manwao gay. .

Kis ne wasl ka suraj dekha, Kis per hijr ki raat dhali
Gesu'on walay kon thy? kia thy? In ko kia jatlao gay?

'Faiz' Dilo'n k bhaag mein hai, Ghar bharna bhi, lut jana bhi
Tum us husn k lutf-o-karam per, kitny din itraao gay?

Urdu Poetry

Best of Faiz Ahmed Faiz - Zabt Ka Ehd Bhi Hai. .

Faiz Ahmed Faiz Poetry

Zabt ka ehed bhi hai shauq ka paimaan bhi hai
Ehd-o-paimaa'n se guzar janay ko jee chahta hai

Dard itna hai k har ragg mein hai mehshar barpa
Aur sukoo'n itna hai k marr janay ko jee chahta hai. . !

Urdu Poetry

Maloom Hai Un Ko - Faiz Ahmed Faiz

Faiz Ahmed Faiz Poetry

Maloom hai unko k reha ho gi kisi din
Zaalim k gira'n hath se mazloom ki taqdeer. !

Door Ja Kar Qareeb Ho Jitney - Faiz Ahmed Faiz

Faiz Ahmed Faiz Poetry

Door ja kar qareeb ho jitney
Hum se kab tum qareeb thy itney?

Ab na aao gay, tum na jao gay
Wasal-o-hijra'n baham huay kitny?

Urdu Poetry

Mein Teray Sapnay Dekhun! - Faiz Ahmed Faiz

Urdu Poetry

Barkha barsey chat per, mein tery sapnay dekhu'n
Barf giray parbat per, mein tery sapnay dekhu'n
Subha ki neel pari, mein tery sapnay dekhu'n
Koyal dhoom machaye, mein tery sapnay dekhu'n
Aaye aur urr jaye, mein tery sapnay dekhu'n
Baagho'n mein pattay mehak'ain, mein tery sapnay dekhu'n
Shabnam k moti dehak'ain, mein tery sapnay dekhu'n

Is piyar mein koi dhoka hai
Tu naar nahi'n kuch aur hai shae
Warna kyun har ik samay. .

Mein tery sapnay dekhu'n!

Poet : Faiz Ahmed Faiz

Ae Roshni'on K Sheher (Karachi) - Urdu Poetry by Faiz Ahmed Faiz

Sabza Sabza, Sookh Rahi hai pheeki, zard dopeher
Deewaro'n ko chaat raha hai tanhai ka zeher
Door ufaq tak ghat'ti, uthti, girit rehti hai
kohar ki soorat be-ronaq dardo'n ki gadli leher
basta hai is koher k peechay roshniyo'n ka sheher

Ae roshni'on k sheher!

kon kahay kis samt hai teri roshni'on ki raah
Har janib be-noor kharri hai hijr ki sheher-e-panah
Thak kar har soo beth rahi hai shauq ki manid sipah

Aaj mera dil fikr mein hai
Ae roshni'on k sheher!

Shab khoo'n se munh pher na jaye armaano'n ki ro
khair ho teri lailao'n ki, in sab se kah do
Aaj ki shab jab diye jala'in, oonchi rakhain lau. .!

Ae roshniyo'n k sheher. . !

Nida-e-Ghaib - Urdu Poetry By Faiz Ahmed Faiz

Urdu Poetry

Har ik ool-il-amar ko sadaa do. .

K apni fard-e-amal sambhalay. .

Uthay ga jab jama-e-sir farosha'n. .

Paraingy daar-o-rasann k laalay. .

Koi na ho ga k jo bacha lay. .

Jaza Saza sab yahi'n pe ho gi. .

Yahi'n azab-o-sawab ho ga. .

Yahi'n se uthay ga shor-e-mehshar. .

Yahi'n pe roz-e-hisaab ho ga. . . !

Faiz Ahmed Faiz Poetry

Baat Bus Se Nikal Chuki Hai - Urdu Ghazal

Urdu Ghazal

Baat bus se nikal chuki hai
Dil ki haalat sambhal chuki hai

Ab junoon had se barh chala hai
Ab tabi'at behel chuki hai

Ashk khoon'naab ho chukay hain
Ghum ki rangat badal chuki hai

Ya yunhi bujh rahi hain sham'en
Ya shab-e-hijr tal chuki hai

Laakh paighaam ho gaye hain
Jab saba aik pal chali hai

Jao ab so raho sitaro
Dard ki raat dhal chuki hai.

Poet : Faiz Ahmed Faiz

In Dino'n Rasm-e-Sheher - Urdu Poetry By Faiz Ahmed Faiz

Urdu Poetry

In dino'n rasm-e-rah-sheher-nigaara'n kia hai?

Qaasdaa, qeemat-e-gulisht-e-bahaara'n kia hai?

Koo-e-jaana'n hai k maqtal hai k maikhana hai?

Aaj kal surat-e-barbaadi-e-yaara'n kia hai?

Poet : Faiz Ahmed Faiz

Bisaat-e-Raqs - Urdu Ghazal by Faiz Ahmed Faiz

Urdu Ghazal

Bisaat-e-raqs pe sad sharq-o-gharab se sar-e-shaam
Damak raha hai teri dosti ka maah-e-tamaam

Chalak rahi hai tery husn-e-meherba'n ki sharaab
Bhara hua hai laba'lab har ik nigah ne jaam

galay mein tang tery harf-e-lutf ki baanh'ain
Pas-e-khyaal kahi'n sa'at-e-safar ka payaam

Abhi se yaad mein dhalny lagi hai sohbat-e-shab
Har aik roo-e-haseen ho chala hai baish haseen

Milay kuch aisay, judai yun huay k 'Faiz' ab k
Jo dil pe naqsh banay ga wo gul hai, Daagh nahi. . . !

Poet: Faiz Ahmed Faiz

Shaakh Per Khoon-e-Gul -Urdu Ghazal

Urdu Ghazal

Shaakh per khoon-e-gul rawa'n hai wohi
Shokhi-e-rung-e-gulista'n hai wohi

Sir wohi hai tou aastaa'n hai wohi
Jaan wohi hai to jan-e-jaa'n hai wohi

Aaj ki shab, wisaal ki shab hai
Dil se her roz daastan hai wohi

Chaand taaray idhr nahi aaty
Warna zindan  mein aasman hai wohi. . !

Poet : Faiz Ahmed Faiz

Anjaam Bhi Dekho Gay? - Urdu Poetry

Urdu Poetry

Pindaar k khoo-gar ko
Nakaam bhi dekho gay?
Aaghaz se waakif ho
Anjaam bhi dekho gay ?

Rangeeni-e-duniya se
Mayus sa ho jana
Dukhta hua dil le kar
Tanhai mein kho jana

Tarsi hui nazro'n ko
hasrat se jhuka lena
Faryaad k tukro'n ko
Aanho'n mein chupa lena

Raato'n ki khamoshi mein
Chup kr kbhi ro lena
Majboor jawani k
Malboos ko dho lena

Jazbaat ki wus'at ko
Sajdo'n se basa lena
Bhooli hui yaado'n ko
Seenay se laga lena!

Urdu Ghazal
Poet : Faiz Ahmed Faiz

Deewar-e-Shab - Faiz Ahmed Faiz Poetry

Urdu Poetry

Deewar-e-shab aur aks-e-rukh-e-yaar saamny!

Phir Dil k aainey se lahu phootney laga

Phir waza'ey ehtiaat se dhundla gai nazar

Phir zabt aarzu se badan tootnay laga

Poetry : Faiz Ahmed Faiz

Best of Faiz Ahmed Faiz - Urdu Poetry

Best of Faiz Ahmed Faiz

Be dam huay beemar, dawa kyun nahi daitay?
Tum achay maseeha ho shifa kyun nahi daitay?

Mitt jaye gi makhlooq tou insaaf karo gay?
Munsif ho to ab hashr utha kyun nahi daity?

Paiman-e-junoon hatho'n ko sharmaye ga kab tk?
Dil walo! gireba'n ka pata kyun nahi daity?

Barbadi-e-Dil jabr nahi 'Faiz' kisi ka
Wo dushman-e-jaan hai to bhula kyun nahi daity?. . .

Faiz Ahmed Faiz

Best Urdu Poetry

Nisaar Mein Teri Galiyo'n K Ae Watan - Urdu Poetry

Urdu Poetry

Nisaar mein teri galiyo'n k ae watan k jahan
Chali hai rasm k koi na sir utha k chalay
Jo koi chahnay wala tawaaf ko nikley
Nazar chura k chalay, jism-o-jaan bacha k chalay

Yunhi hamesha ulajhti rahi hai zulm se khalq
Na un ki rasm nae hai, na apni reet nae
Yunhi hamesha khilaye hain hum ne aag mein phool
Na unki haar nae hai, na aoni jeet nae

Gar aaj tujh se juda hain to kal ba'ham hongy
Ye raat bhar ki judai to koi baat nahi
Gar aaj aouj pe hai taal-e-raqeeb to kia
Ye chaar din ki khudai to koi baat nahi

Isi sabab se falak ka gila nahi karty
Tery firaaq mein hum dil bura nahi karty

Poet : Faiz Ahmed Faiz

Kis Se Teri Guftugu Karain - Faiz Ahmed Faiz Poetry

Urdu Poetry

Sharh-e-firaaq, madh-e-lab-e-mushkboo karain
Ghurbat kaday mein kis se teri guftugu karain

Yaar aashna nahi koi, takrain kis se jaam
Kis dil ruba k naam pe khaali sabu karain

Seeny pe hath hai, na nazar ko talash-e-baam
Dil sath de tou aaj Ghum-e-aarzu karain

kab tak sunay gi raat, kahan tak sunai'n hum?
Shikway gilay sab aaj tery ru-baroo karain

"Tar damani pe shaikh, hamari na jaaiyo!"
"Daaman nichorr dain to farishty wuzu karain"

Poet : Faiz Ahmed Faiz

Kisi Ka Dard Ho - Urdu Poetry

Urdu Poetry

Kisi ka dard ho karty hain tery naam raqam
Gila hai jo bhi kisi se tery sabab se hai!
Hua hai jab se dile-na-suboor be-qaabu
Kalaam tujh se nazar ko barry adab se hai

Poet : Faiz Ahmed Faiz

Baat Niyat Ki Hai - Faiz Ahmed Faiz Poetry

Urdu Poetry

Faiz Poetry with pics

Baat niyyat ki hai sirf warna

Wakt saary dua k hoty hain

Poet : Faiz Ahmed Faiz

Har Samt Pareshan - Urdu Poetry

Urdu Poetry

Har samt pareshan teri aamad k qareeny
Dhokay diye kia kia humain baad-e-sehri ne
Har Manzil-e-Ghurbat pe gumaa'n hota hai ghar ka
Behlaya hai har gaam bht dar-badari ne

Poet : Faiz Ahmed Faiz