Best of Ahmed Faraz- Juz Tere Koi Bhi Din Raat Na Janay Mere

Juz Tere Koi Bhi Din Raat Na Janay Mere
Tu Kahan Hai Magr, Ae Dost Puranay Mere ?

Tu Bhi Khushbu Hai Magar Tera Tajassus Bekaar
Barq-e-Awaara Ki Manid Thikhane Mere

Shama Ki Lau Thi K Wo Tha Magr Hijr Ki Raat
Dair Tak Rota Raha Koi Sirhaane Mere

Khalq Ki Bekhabri Hai Ke Meri Rusvaai
Loog Mujh Ko Sunate Hain Fasaane Mere

Lutt Ke Bhi Khush Hun Ashkon Se Bhara Hai Daman
Dekh Ghaarat'Gari-e-Dil Ye Bhi Khazanay Mere

Aaj Ek Aur Baras Beet Gaya Os Ke Bagair
Jis Ke Hote Hue Hote Thay Zamane Mere

Kash TU Bhi Meri Aavaaz Sunta Ho
Phir Pukara Hai Tujhe Dil Ki Sadaa Ne Mere

Kash TU Bhi Kabhi Ajaye Masihai Ko
Loog Aate Hain Bohat Dil Ko Dukhane Mere

Kaash Auron Ki Tarah Main Bhi Keh Sakta
Baat Sun Li Hai Meri Aaj Khuda Ne Mere

Tu Hai Kis Haal Main Ay Zud Faraamosh Mere
Mujh Ko Tou Chheen Liya Ehd-e-Wafa Ne Mere

Charagar Tou Bohat Hain Magar Ay Jaan-e-“Faraz”
Juz Tere Aur Koi Gham Na Jane Mere. . .!

Yunhi Mil bethnay Ka Koi Bahana Niklay

Baat se baat, fasanay se fasana nikly
Yunhi mil baithnay ka koi bahan nikly

Phir chalay zikr kisi zakhm k chill janay ka
Phir koi dard koi khuwab purana nikly

Phir koi yaad koi saaz utha lay aaye
Phir kisi saaz k parday se tarana nikly

Aao dhoondain to sahi ehl-e-wafa ki basti
Kia khabar phir koi gumgushta thikana nikly

Yaar aisi bhi na baat kar k dono ro dain
Ye ta'alluq bhi faqat rasm-e-zamana nikly

Ye bhi hai ab na uthay naghma-e-zanjeer 'Faraz'
Ye bhi hai hum sa koi aur dewaana niky. .


                                                                   Poet : Ahmed Faraz

Mujh say har bar wo Nazren chura leta hai Faraz..

Mujh say har bar wo Nazren chura leta
hai Faraz..

Main ne Kaghaz par bhi bana k dekhi
hain Aankhen Uski ,, !!

Shikwa e Zulmat e Shab Se To Kaheen Behtar Tha

Shikwa e Zulmat e Shab Se To Kaheen Behtar Tha
Apny Hissay Ki Koi Shama Jalatay Jatay..!