Maangi Hai Dua Issi Ilteja Ke Saath

Maangi Hai Dua Issi Ilteja Ke Saath,,,

Kat Jaaye Meri Umer Ussi Be-Wafa K saath

Milay Jahan Se Kisi Ko Kantay, Kisi K Hisay Gulaab Thehray

dua picture and dua shayari

Milay Jahan Se Kisi Ko Kantay, Kisi K Hisay Gulaab Thehray
Jissay Wo Chahay Nawazta Hai, Ye Mery Rabb K Hisaab Thehray

Bara hi Raheem-o-Kareem Hai Wo , Jissay Bhi De De ye Uski Marzi
Kisi K Hissay Sawaab Likh De, Kisi K Hissay Azab Thehray

Ye Apni Taqdeer Se Mila Hai Kisi Ko Dariya Kisi Ko Sehra
Koi Tarasta Hai Boond Bhar Ko, Kisi K Hissay Sailaab Thehray

Koi To Din Main Bhi Sapnay Dekhy Kisi Se Neendain Bhi Door Bhagain
Kisi K Hissay Main Rat-Jagay Tou Kisi K Hissay Main Khuwaab Thehray..!

Suno! Qismat Say Larney Ki Kabhi Koshish Nahin Kartey

sad man sitting

Suno Qismat Say Larney Ki
Kabhi Koshish Nahin Kartey

Muqadar Jab Mukhalif Ho
Duaaein Be-Asar Jaaein

Sabhi Manzar Bikhar Jaaein
Tu Aisey Mein Baghawat Ki
Kabhi Koshish Nahin Kartey

Kisi Ke Saath Chalney Ki
Kisi Ke Dil Mein Basney Ki

Kabhi Khwahish Nahin Kartey
Kisi Eik Shakhs Ki Khaatir

Sabhi Say Door Ho Jaana
Kahan Ki Ye Muhabbat Hai?

Muhabbat Ye Nahin Hoti
Muhabbat Dil Mein Hoti Hai

Muhabbat Aks Hai Rab Ka
Kabhi Ye Mar Nahin Sakti

Humeisha Saath Rehti Hai
Humeisha Saath Chalti Hai

Miley Jo Humsafar Tum Ko
Ussi Ke Saath Chalna Tum

Ussey Dharrkan Bana Lena
Ussey Dil Mein Basa Lena

Magar Qismat Say Larney Ki
Lakeeron Say Ulajhney Ki

Kitne Logon Se Mere Gehre Marasim Hain Magar

Kitne Logon Se Mere Gehre Marasim Hain Magar
Tera Chehra Hi Faqat Meri Duaaon Mein Raha

Khushiyon Ka Waqt Bhi Kabhi Aa Hi Jaye Ga- Sad Shayari

Khushiyon Ka Waqt Bhi Kabhi Aa Hi Jaye Ga 'Wasi'...
Gham Bhi to Mill Rahe Hain Tamanna Kiye Baghair....

Bin maange he mil jaati hain Tabeerain kisi ko- Heart Touching Poetry

Bin maange he mil jaati hain Tabeerain kisi ko,,,
Koi khaali hath reh jaata hai HAazaron Duaon k baad..!
Heart Touching Poetry

Teri Ik Dua K Jawaab Main-Dua Shayari

Dua Shayari, Dua Shayari
Teri Ik Dua K Jawaab Main
Mery Hath Uthay Hain Sawaal Ko
Tujhy Rab Kabhi Na Malaal De
Tujhy Rab Kabhi Na Zawaal De
Teri Sab Balaa'on Ko Taal De
Teri Zindagi Ko Sanwaar De
Tujhy Dekh Kar Khilain Gul Yahan
Tujhy Aisa Husn-o-Jamaal De
Tujhy Kia Likhoon?
Tjhy Kia Main Doon?
Meri Rabb Se Hai Yehi Eltija
Apni Rehmaton K Gulaaab Sab
Wo Teri Khizaa'on Main Daal De
Tjhy Zindagi Ki Har Ik Khushi
Mera Rabb Tjhy Isi Saal De...!

Dua Sad Urdu Shayari

Raabton Ki Duniya Hai-hindi Shayari

Raabton Ki Duniya Hai
Raabton Se Rishtay Hain
Aanay Walay Saalon Main
Kis K Sang Hansna hai
Kis Se Mil K Rona hai
Kab Apnay Bus Main Hai
Magar Aasman Ki Jaanib
Phailay Haath kehtay Hain
Dil Se Dil Ka Har Ta'aluq
Mo'atbar Dua Se Hai
Duaon main Basay Logo
Jahan Bhi Raho Bht Khush Raho
Bohot KHUSH RAHO...!
Hindi Shayari, Sad Shayari

Hoti nahi qabool dua tark-e-ishq ki,,,,

Hoti nahi qabool dua tark-e-ishq ki,,,,,,
Dil chahta na ho to dua mein asar kahan,

Bahaar Rut Main Ujaar Rastay, Takka Karo Gay Tou Ro Paro Gay

Bahaar Rut Main Ujaar Rastay,
Takka Karo Gay Tou Ro Paro Gay.
Kisi Say Milnay Ko Jab Bhi 'Mohsin',
Saja Karo Gay Tou Ro Paro Gay.

Tumharay Waa'don Ne Yaar Mujh Ko,
Tabah Kiya Hai Kuch Is Tarha Say.
Kay Zindagi Main Jo Kabhi Kisi Se,
Daghaa Karo Gay Tou Ro Paro Gay.

Main Jaanta Hun Meri Muhabbat,
Ujaar De Gi Tumhain Bhi Aisay.
K Chaand Raaton Main Jab Kisi Se,
Mila Karo Gay Tou Ro Paro Gay.

Barasti Baarish Main Yaad Rakhna,
Tumhain Sataingi Meri Aankhain.
Kisi Wali K Mazaar Par Tum,
Dua Karo Gay Tou Ro Paro Gay....!

Main Ne Jab Bhi Mangi Koi Dua

Meray Humsafar Meray HumNasheen
Maine RAB Se Manga To Kuch Nahi

Main Ne Jab Bhi Mangi Koi Dua
Nahi Manga Kuch Bhi Tere Siwa
Yeh Talab Kiya Kay Meray Khuda
Sabhi Rahatein, Sabhi Chahatein
Woh Ataa Karay Tujhay Manzilein
Yeh Talab Kiya Kay Mera Khuda
Tujhay Takht De, Tujhy Taaj De
Meray Humsafar Meray Chaara-Gar
Yeh Hai Dosti Ka Kathan Safar
Meray Saath Chalna Zara Soch Kar
Zara Dekh To Mera Hosla
Meray Paas Jo Bhi, Wo Hai Tera
Nahi Aur Kuch Bhi Teray Siwa
Meri Dosti, Meri zindagi
Meri Khamoshi, Meri Be-Basi
Mera Ilm Bhi, Mera Naam Bhi
Meri Subah Bhi, Meri Shaam Bhi
Kay Jo Mil Sakein Meray Daam Bhi
Wo Sabhi Kuch Tujhy Ata Karay
Meray Chara-Gar Tu Yaqeen Tou Kar
Mujhe Mangna To Na Aa Saka
Maine Phir Bhi Mangi Yehi Dua
Kay Gawahi De Ga Mera Khuda

Main Ne Jab Bhi Us Say Talab Kiya
Nahi Manga Kuch Bhi Tere Siwa

Mere Sajdon Mein Kami To Na Thi

Mere Sajdon Mein Kami To Na Thi 'Wasi'...
Kia Mujh Se Bhi Barh K Kisi Ne Manga Tha Tuje...

NAFRATON K RASTY PE NA SAFAR KERNA

SUNO! ZINDAGI APNI HANS KER BASAR KERNA..
NAFRATON K RASTY PE NA SAFAR KERNA..

SUNO! WAFA NA HO TOU MUHABBAT ADHORI HY..
MUHABBAT K SAFAR MEN WAFA KI FIKAR KERNA..

SUNO! ZAMANA JITNA B HO HAMDARD TUMHARA..
ZAMANAY KO NA SHARIK-E-SAFAR KERNA..

SUNO! MUHABBAT HER KISI KA MUQADAR NAHI HOTI..
MIL JAYE JO MUHABBAT T0U IS KI QADAR KERNA..

Wo Apne Faidey,,

Wo Apne Faidey Ki Khatir Phir Aa Mile Thay Hum Se,
Hum Nadan Samjhe Ke Humari Duaon Mein Hai Asar BOHAT. . . . !

Ulfat-e-Yaar

Ulfat-e-Yaar Main Khuda Say Aur Mangoon Kiya??
Bus Ye Dua Hai Kay Tu Duaon Ka Bhi Mohtaaj Na Ho...!

Dua-e-badd Nahin Deta..!

Dua-e-Badd Nahin Deta, Faqat Itna Hi Kehta Hoon,
Kay Jis Se Dil Lagay Tera, Wo Tujh Sa Be-wafa Niklay...!