Phir Subha Ki Hawa Mein Gee Mein Malaal Aye- Sad urdu poetry by Munir Niazi

Phir Subha Ki hawa Mein jee mein malaal aye
Jis se juda huay thay us k khayal aaye

Is umr mein ghazab tha us ghar ka yaad rehna
Jis umr mein ghar'on mein hijrat k saal aye

Achi misaal bnti zahir agr wo hotin
Un Naikiy'on ko hum to dariya mein daal aye

Jin ka jawaab shayad manzil pe bhi nahi tha
Rastay mein apny dil mein aisay sawaal aaye

Kal bhi tha Aaj Jaisa Warna 'Munir' hum bhi
Wo kaam aaj karty, kal pe jo taal aye.