Hum kia karty? kis raah chaltay? - Urdu Poetry

Urdu Poetry

Hum kia karty kis raah chaltay
Har raah mein kantay bikhry thy
Un rishto'n k jo choot gaye
Un sadiyo'n k yaarano'n k
Jo ik ik kar k toot gaye
Jis raah chaly, jis samt gaye
yun paaon lahu lohaan huay
Sab dekhny waly kehty thy
Ye kesi rait rachai hai
Ye mehndi kyun lagai hai?
Wo kehty thy, kyun qeht-e-wafa
Ka naa-haq charcha karty ho
Paao'n se lahu ko dho daalo
Ye raahain jb att jaingi  
So rasty in se phootaingy
Tum dil sambhalo jis mein abhi
So tarha k nashtar tootaingy

Poet : Faiz Ahmed Faiz