Teray Ishq Main Ae Meray Khuda...!

Mujhay Zindagi Main Qadam Qadam,
Pe Teri Raza Ki Talaash Hai
Teray Ishq Main Ae Meray Khuda,
Mujhay Intehaa Ki Talaash Hai

Main Gunaahon Main Hun Ghira Hua,
Main Zameen Pe Hun Para Hua
Jo Mujhay Gunaah Se Njaat De,
Mujhay Us Dua Ki Talaash Hai

Maine Jo Kiya Wo Bura Kiya,
Maine Khud Ko Khud Hi Tabah Kiya
Jo Tujhay Pasand Ho Meray Rabb,
Mujhay Us Adaa Ki Talash Hai

Tery Dar Pe Hi Mera Sir Jhukay,
Mujhay Aur Kuch Nahin Chahiye
Mujhay Sab Se Kar De Jo Be-niaz,
Mujhay Us Anaa Ki Talaash Hai..!