Veeran bohat hun, wasal se tashkeel kar mujhe,

Veeran bohat hun, wasal se tashkeel kar mujhe,
Tu mujh se piyar kar zara tabdeel kar mujhe,,

Sehra ki tapti rait se aa kar mujhe bacha,
Tu thanday meethay paani ki ik jheel kar mujhe,,

Ho jayen na kharaab kahin meri aadaten,
Har hukam per na is tarah taa'meel kar mujhe,,

Ab is tarah se mujh ko adhura na chhor tu,
Main hun tera waada tu ab takmeel kar mujhe,,

Chhuu kar mera wajood tajalli si bakhsh de,
Main ik andeari raat hun, qandeel kar mujhe.......!