Kia aese kam sukhan se koi guftagu kare hindi shayari

Kia aese kam sukhan se koi guftagu kare
jo mustaqil sukoot se dil ko lahoo kare

ab tau hamen bhi tark-e-marasim ka dukh nahi
par dil ye chahta he ke aghaaz too kare

tere bagher bhi tau Ghaneemat hai zindagii
Khud ko ganwaa ke kaun teri justuju kare

ab tau ye aarzu hai ke wo zakhm khaa’iye
taa-zindagi ye dil na koi aarzoo kare

tujh ko bhulaa ke dil hai wo sharminda-e-nazar
ab koi hadisaa hi tere ru-ba-roo kare

chup chaap apni aag men jalte raho Faraz
duniyaa tau Gharz-e-haal se be-aabruu kare.

Hindi Shayari