Muhabbaton Main Kuch Aisay Bhi...!

Muhabbaton Main Kuch Aisay Bhi Haal Hotay Hain,
Khafa Hon Jin Say Unhi Kay Khayaal Hotay Hain,

Machaltay Rehtay Hain Zehno Mian Waswason Ki Tarha,
Haseen Log Bhi Jaan Ka Wabaal Hotay Hain,

Main Dil Kay Zakhm Chupa'un Teri Tarha Kaisay,
Kay Teray Paas Tou Lafzon Kay Jaal Hotay Hain,

Bus Aik Tu Hi Tou Sabab Nahin Udaasi Ka,
Tarha Tarha Kay Dilon Ko Malaal Hotay Hain,

Siyaah Raat Main Jaltay Hain Jugnuoon Ki Tarha,
Dilon Kay Zakhm Bhi Mohsin Kamaal Hotay Hain.....!